Машҳур собиқ футболчи Уэйн Руни Англия терма жамоасининг Европа чемпиони бўлиш имкониятлари ҳақида гапирди.

"Англия Евро-2024да ғалаба қозониши мумкин. Ўйлайманки, бошқа жамоалар айни дамда Англияга нисбатан бироз эҳтиёт бўлишни бошлашди. Олдинги турнирларда рақиблар Англия терма жамоаси яхши эканини кўришган, лекин ҳеч қачон бундай қўрқув бўлмаган. Ҳозир Англияга нисбатан қўрқув бор", - дея Руни сўзларини келтирмоқда Daily Mail.

2024 йилги Европа чемпионати гуруҳ босқичида Англиянинг рақиблари Сербия, Дания ва Словения бўлади. Германиядаги турнир 14 июнда бошланади.