«Реал Мадрид» жамоани кучайтириш устида ишламоқда. «Бавария» ҳимоячиси Альфонсо Дэвис узоқ вақтдан буён «Реал»га ўтиши ҳақида хабарлар чиқмоқда. "Relevo" хабарига кўра, «Лос Бланкос» канадалик учун мюнхенликларга 40 миллион евро таклиф қилишга тайёр.
Қайд этилишича, Дэвис «Реал Мадрид»га ўтишга рози бўлган. Энди Мадрид клуби «Бавария» билан трансфер борасида келишиб олиши керак.
2023/2024 йилги мавсумда Альфонсо Дэвис 42 та расмий ўйин ўтказиб, 3 та гол ва 6 та голли узатмани амалга оширди. Қизиғи, Дэвис яқинда Чемпионлар лигаси ўйинида «Реал» дарвозасига голлардан бирини киритди.
