"Манчестер Юнайтед" ўз таркибини кучайтириш устида ишламоқда. Daily Express хабарига кўра, "қизил иблислар" Лиссабоннинг "Спортинг" жамоаси вакили бўлган Усмон Диомандени ҳимоя чизиғига қўшмоқчи.
Нуфузли Transfermarkt портали мутахассислари 20 ёшли Диомандени 40 миллион еврога баҳоламоқда. Кот-д'Ивуарлик "Спортинг"да бир ярим мавсум давомида 55 та ўйин ўтказиб, 4 та гол урди ва жамоадошига битта голли узатма берди.
Айтиш жоизки, 2023/2024 йилги мавсумда “Манчестер Юнайтед” мунтазам равишда ҳимояда кадрлар муаммосига дуч келган, шу сабабли ҳимоячи билан шартнома имзолаш муҳим мақсад ҳисобланади.
