"Фенербахче" президенти Али Коч Жозе Моуриньонинг клубга келиши ҳақида фикр билдирди. Машҳур португалиялик мураббий турк гранди билан 2026 йилнинг ўрталаригача шартнома тузди.

"Бу клубимиз учун муҳим ва тарихий қадам. Барчамиз номидан, шу жумладан миллионлаб "Фенербахче" мухлислари номидан Жозени табриклаймиз. Унинг буюклиги, ўзига хос ёндашуви ва севгиси бутун дунёни забт этди. У футбол тарихидаги энг яхши мураббийлар қаторига киради ва у, шубҳасиз, айни дамда кучли бешлик мураббийлари қаторига киради", - дейди "Фенербахче" раҳбари.

Жозе Моуриньонинг олдинги иш жойи "Рома" бўлиб, январ ойида мураббий ишдан бўшатилган эди.