"ПСЖ" марказий ҳимоячиси Преснел Кимпембе ёзда ўз шаҳри жамоасини тарк этиши мумкин. 28 ёшли футболчи ўтган йил бошида олган жароҳати туфайли ўтган мавсумни ўтказиб юборганди.
Журналист Санти Аунанинг хабар беришича, "ПСЖ" бўлажак трансфер ойнасида ўз шогирди учун таклифларни тинглашга тайёр. Клуб таклиф қилинган шартларни мақбул деб ҳисобласа, келишувни розилик билан қабул қилади.
Преснел Кимпембе профессионал фаолиятини бошиданоқ Париж гранди сафида тўп тепмоқда. Франциялик марказий ҳимоячи пойтахтликлар сафида жами 236 та ўйин ўтказган бўлиб, унда футболчи 8 марта Лига 1 ғолибига айланган.
