«Реал»нинг янги футболчиси Килиан Мбаппе шартнома имзолагани учун бонус сифатида 150 миллион евро олади, деб хабар беради "The Telegraph".

Манбага кўра, 25 ёшли форварднинг маоши мавсумига 15 миллион еврони ташкил қилади, бу эса «ПСЖ»дагидан паст. 150 миллионлик имзо бонуси барча беш йил давомида тўланади. Шунингдек, ўйинчи ўз имидж ҳуқуқларининг фоизини олади.

3 июнь куни «Реал» Мбаппе билан шартнома имзолаганини эълон қилди. Малум бўлишича, 25 ёшли франциялик футболчи «Реал»да 9-рақам остида ўйнайди, Лука Модрич кетганидан кейин эса форвард ўнинчи рақамни эгаллайди.