Антонио Рюдигер нафақат "Реал"нинг Чемпионлар лигасидаги ғалабасида муҳим рол ўйнади, балки сўнгги кунларда ижтимоий тармоқларда энг кўп муҳокама қилинган суратлардан бирида ҳам айнан у бош мавзу.
Давид Алаба ва Чемпионлар лигаси кубоги билан биргаликда тушган суратда немис жуда камёб соат билан намоён бўлди.
Ушбу аксессуар махсус Philippe Patek Nautilus нусхасининг бир қисми бўлиб, у Tiffany & Co билан ҳамкорликда брендлар ўртасидаги ҳамкорликнинг 170 йиллигини нишонлаш учун яратилган.
Билд нашрининг ёзишича, соат 1,5 миллион доллар туради. Бу Чемпионлар лигаси кубогининг ўзидан деярли 30 баробар қимматроқ.
Бутун дунёда бу соатнинг атиги 170 нусхаси бор.
