Мадриднинг “Атлетико” клубида тўп тепаётган дарвозабон Ян Облак ёзги трансфер ойнасида клубини ўзгартириши мумкин.
Манбага кўра, "Манчестер Сити" ва "Манчестер Юнайтед" Облак хизматларига қизиқиш билдиришмоқда. Словениялик футболчини таклиф қилишга инглиз грандларидан ташқари Саудия Арабистони чемпионати клублари ҳам қизиқиш билдирмоқда.
31 ёшли дарвозабон 2014 йилнинг ёзидан буён "матрасчилар" жамоасида тўп тепмоқда. Унинг амалдаги шартномаси 2028 йилнинг июн ойи охиригача мўлжалланган, трансфер қиймати эса 30 миллион еврони ташкил қилади.
