"Манчестер Сити" ҳужумчи Эрлинг Холанд агентига ёзда футболчи билан шартномани узайтириш бўйича музокараларни бошлаш зарурлиги ҳақида хабар берди.

Манбага кўра, шаҳарликлар Холанднинг яқин келажакда "Реал" футболчиси бўлиш истагидан хабардор. Шундан келиб чиқиб, "Манчестер Сити" норвегиялик ҳужумчи учун келажакда унинг Мадрид клубига ўтиш шартларини янада кучайтирадиган тарзда янги меҳнат шартномаси тузмоқчи. Таъкидланишича, Холанднинг шартномасида ҳозирда товон пули кўрсатилган бўлиб, у 2024 йилнинг ёзидан бошлаб Премьер-лигадан ташқари клубларга уни ҳамёнбоп нархда сотиб олиш имконини беради.

Холанднинг "Манчестер Сити" билан амалдаги меҳнат шартномаси 2027 йилнинг ёзига қадар амал қилади.