«Ювентус» Федерико Кьезани «Наполи»дан Жованни Ди Лоренцога алмаштириши мумкин.
Sportitalia хабарига кўра, тўғридан-тўғри алмашиш мумкин ва барча томонларга мос келади, чунки иккала футболчи ҳам ўз клубларини тарк этиш истагини билдиришган.
Аввалроқ агент Жованни Ди Лоренцо футболчининг "Наполи"даги даври тугаганини айтганди.
Шунингдек, Федерико Кьеза «Ювентус»дан норози ва клубда қолишни истамаяпти, деб ҳисоблаётгани хабар қилинган.
“Ювентус”нинг янги бош мураббийи Тьяго Мотта Кьезани туринликлар сафида кўрмаяпти ва футболчининг шартномаси 2025 йилнинг июнига қадар амал қилиши ёзда сотилиши эҳтимоли катта.
Sportitalia хабарига кўра, иккала футболчи ҳам 25-30 миллион еврога баҳоланган, шунинг учун тўғридан-тўғри алмашиш мумкин.
