2024 йилги Европа чемпионатининг маскоти Альберт исмли айиқ бўлиб, у УЕФА веб-сайтида овоз бериш ва УЕФАнинг "Мактабларда футбол" дастури орқали бутун Европа мактаб ўқувчилари ўртасида ўтказилган сўровнома орқали танланган.
2024 йилги Европа чемпионати 14 июнь, жума куни бошланади.
Евро-2024нинг финал қисми Германияда бўлиб ўтади ва роппа-роса бир ой – 14 июндан 14 июлгача давом этади. Турнир ўйинларига 10 та шаҳардаги 10 та стадион мезбонлик қилади. Янги Европа чемпионати “А” гуруҳидан жой олган Германия ва Шотландия терма жамоалари ўртасидаги қарама-қаршилик билан очилади. Ўйин 14 июнь куни бўлиб ўтади.
Эслатиб ўтамиз, Европа чемпионатининг амалдаги ғолиби Лондондаги "Уэмбли" стадионида Евро-2020 финалида Англия терма жамоасини мағлуб этган Италия терма жамоаси ҳисобланади. Ўша финал тақдири пенальтилар сериясида ҳал бўлди.
