Париж мэри Олимпиада ўйинлари олдидан Франциядаги сайловлардан хавотирлигини билдирди.
9 июнь куни Франция президенти Эммануэль Макрон Миллий ассамблея тарқатилиши ва муддатидан олдин парламент сайловлари ўтказилишини эълон қилди. Аввалроқ Макроннинг "Уйғониш даври" партияси Европа парламенти сайловларида 14,6 фоиз овоз олганди. Мухолифатдаги Миллий митинг партияси 31,4 фоиз овоз олди.
Олимпиада ўйинлари Парижда 2024 йилнинг 26 июлидан 11 августига қадар бўлиб ўтиши режалаштирилган. Муддатидан олдин сайловлар 30 июнь ва 7 июлга белгиланган.
“Кўпчилик қатори мен ҳам президент парламентни тарқатишга қарор қилганини билиб ҳайратда қолдим.
Шундай бўлса-да, Ўйинлар олдидан тарқатиб юборилгани жуда ташвишли" - деди Париж мэри Анн Идальго.
Шу билан бирга, Анн Идальго мусобақанинг муваффақиятли ўтишига ишонишини таъкидлади.
"Ўйинларга тайёргарлик кўриш ва инфратузилмани ўрнатиш бўйича барча ишлар ортда қолганига ишонаман. Бизнинг қўлимиздан келганича, бутун дунёдан меҳмонларни кутиб олиш ва биз Париждаги Олимпия ва Паралимпия ўйинлари мезбонлари сифатида буни қилишдан хурсандмиз”, — дея қўшимча қилди Анн Идальго.
