Parij meri Olimpiada o‘yinlari oldidan Fransiyadagi saylovlardan xavotirligini bildirdi.

9 iyun kuni Fransiya prezidenti Emmanuel Makron Milliy assambleya tarqatilishi va muddatidan oldin parlament saylovlari o‘tkazilishini e’lon qildi. Avvalroq Makronning "Uyg‘onish davri" partiyasi Yevropa parlamenti saylovlarida 14,6 foiz ovoz olgandi. Muxolifatdagi Milliy miting partiyasi 31,4 foiz ovoz oldi.

Olimpiada o‘yinlari Parijda 2024 yilning 26 iyulidan 11 avgustiga qadar bo‘lib o‘tishi rejalashtirilgan. Muddatidan oldin saylovlar 30 iyun va 7 iyulga belgilangan.

“Ko‘pchilik qatori men ham prezident parlamentni tarqatishga qaror qilganini bilib hayratda qoldim.

Shunday bo‘lsa-da, O‘yinlar oldidan tarqatib yuborilgani juda tashvishli" - dedi Parij meri Ann Idalgo.

Shu bilan birga, Ann Idalgo musobaqaning muvaffaqiyatli o‘tishiga ishonishini ta’kidladi.

"O‘yinlarga tayyorgarlik ko‘rish va infratuzilmani o‘rnatish bo‘yicha barcha ishlar ortda qolganiga ishonaman. Bizning qo‘limizdan kelganicha, butun dunyodan mehmonlarni kutib olish va biz Parijdagi Olimpiya va Paralimpiya o‘yinlari mezbonlari sifatida buni qilishdan xursandmiz”, — deya qo‘shimcha qildi Ann Idalgo.