Мадриднинг “Реал” клуби ярим ҳимоячиси Федерико Вальверде янги татуировка қилдирди. 25 ёшли футболчининг оёғига “Париж 22, Лондон 24” ёзувли татуировка туширилди.
Айтиш жоизки, Вальверде айнан 2022 ва 2024 йилларда «Реал» билан биргаликда Чемпионлар лигаси финалига чиққанди. Ҳар икки учрашувда "Лос Бланкос" ғалаба қозонган.
Парижда “Реал” “Ливерпул”ни минимал ҳисобда (1:0) мағлуб этган бўлса, Лондонда “Боруссия Дортмунд” мағлуб бўлди (2:0).
2023/24 йилги мавсумда Вальверде барча мусобақаларда 54 та ўйин ўтказиб, 3 та гол урди ва 8 та голли узатмани амалга оширди.
