"Айнтрахт" ярим ҳимоячиси Марио Гётце Дортмунднинг "Боруссия" жамоасидан "Бавария"га ўтганини эслади. Футболчининг ўша трансфери 2013 йилнинг апрелида маълум бўлганди.
"Мен Дортмунд стадиони менга қандай ҳуштакбозлик қилганини ҳеч қачон унутмайман. Бир куни 50-60 нафар безорилар мени ҳақорат қилиш учун машғулотимизга келганди.
Ўшанда мен 20 ёшда эдим ва мантиқий далилларга асосланиб, "Бавария" фойдасига қарор қилгандим. Мен Дортмундда, жумладан Юрген Клопп даврида ажойиб вақт ўтказдим, аммо бу менинг профессионал футболчилик фаолиятимда кўрган ягона нарса эди. Мен янада ривожланишни хоҳлардим" - деди Гётце ZEITmagazin нашрига берган интервьюсида.
