"Лейпциг" ҳужумчиси Бенжамин Шешко келажаги борасида бир қарорга келишга яқин турибди.
Эслатиб ўтамиз, словениялик футболчига Англия Премьер-лигасининг "Манчестер Юнайтед", "Арсенал" ва "Челси" каби клублари қизиқиш билдирмоқда.
Журналист Давид Орнштейннинг фикрича, Бенжамин иккинчи мавсумда ҳам ҳозирги жамоасида қолиши эҳтимоли юқори. Аввалроқ футболчининг шартномасида 60 миллион евро атрофида товон пули борлиги хабар қилинганди. Шешко Бундеслигадаги дебют мавсумида 14 та гол урди ва 2 та голли узатмани амалга оширди. Аввалроқ 21 ёшли ҳужумчига яқинда "Лейпциг"дан янги шартнома таклифи тушгани ҳақида хабар берилганди.
