Польша терма жамоаси ҳужумчиси Роберт Левандовски бир кун аввал Варшавада бўлиб ўтган Туркия билан ўртоқлик учрашувида (2:1) жароҳат олди.
Польша терма жамоаси сардори 33-дақиқада майдонни тарк этишга мажбур бўлди.
Мушакларида зўриқишни ҳис қилган 35 ёшли Левандовски бугун эрталаб ташхисга аниқлик киритиш учун тиббий кўрикдан ўтади, деб хабар беради WP SportoweFakty нашри.
"Робертнинг кичик жароҳати бор. Умид қиламизки, катта муаммолар бўлмайди. Кароль Свидерскининг голини нишонлаётган пайтда тўпиғини жароҳатлаб олди. Текширувдан сўнг унинг қандай ҳолатда эканлиги маълум бўлади", - деди Польша бош мураббийи Михал Пробеж ўйиндан сўнг.
Польша Евро-2024даги илк ўйинини 16 июнь куни Нидерландияга қарши ўтказади.
