"Арсенал"нинг ҳимоячи ярим ҳимоячиси Томас Партига Саудия Арабистони клублари қизиқиш билдирмоқда. Журналист Эд Ааронснинг хабар беришича, ганалик футболчи ёзги трансфер ойнасида "Эмирейтс"ни тарк этиши мумкин.
Манбанинг қўшимча қилишича, "Арсенал" ёзда ярим ҳимоячилар Эмиль Смит-Роу ва Рейсс Нельсон билан ҳам хайрлашиши мумкин. Клуб шунингдек, ҳужумчи Эдди Нкетианинг трансфери бўйича таклифларни тинглашга тайёр.
Эслатиб ўтамиз, Томас 2020 йилнинг ёзида “Атлетико”дан 40 миллион евро товон пули эвазига Лондоннинг “Арсенал” клубига ўтган эди. Ўшандан бери 30 ёшли ганалик бу жамоа билан фақат битта соврин - Англия Суперкубогини қўлга киритди.
