Футбол бўйича Ўзбекистон Суперлигасида май ойининг энг яхшилари аниқланди.

“Сўғдиёна” аъзоси Люпчо Дориев май ойининг энг яхши футболчиси деб топилди. Ўйинчи ўтган ойда 5 ўйинда 7 та гол муаллифига айланди.

 

Дориевдан ташқари Достонбек Ҳамдамов (“Пахтакор”), Абдувоҳид Неъматов (“Насаф”), Акмал Мозговой (“Насаф”), Драган Черан (“Пахтакор”) ҳамда Али Абдураҳмонов (“ОКМК”) ушбу соврин учун кураш олиб борган эди.

“Насаф” бош мураббийи Рўзиқул Бердиев эса май ойининг энг яхши мураббийи совринини қўлга киритди. Қаршиликлар устозининг натижалари қуйидагича бўлди: 6 ўйин, 3 ғалаба, 3 дуранг, тўплар фарқи 10:5.

Соврин учун Бердиевдан ташқари Вадим Абрамов (“Динамо”), Самвел Бабаян (“Навбаҳор”), Виталий Левченко (“Нефтчи”), Максим Шацких (“Пахтакор”) ва Февзи Давлетов (“Сурхон”) каби мураббийлар номзоди қўйилган эди.

Шунингдек, “Андижон” футболчиси Фарҳод Соҳибжоновнинг “Нефтчи” дарвозасига урган голи Суперлигада май ойининг энг яхшиси деб топилди.