“Ювентус” ҳужумчиси Кайо Жорже фаолиятини Бразилиянинг “Крузейро” клубида давом эттиради. Бу ҳақда Турин клуби расмий сайти хабар бермоқда.
“Энди унинг фаолиятида янги босқич бошланади - ва яна Бразилияда. Келажакда омад тилаймиз, Кайо!”, дейилади “Ювентус” расмий сайтида.
22 ёшли Кайо Жорже 2021 йилнинг ёзида "Ювентус" жамоасига келиб қўшилган эди. У Бразилиянинг "Сантос" клубидан кўчиб ўтди.
Футболчи туринликлар асосий таркибида 11 та ўйин ўтказиб, бирорта ҳам самарали ҳаракатга эриша олмаган.
