Франциянинг "Лилль" клуби президенти Оливье Летанг ҳимоячи Лени Йоро ва ҳужумчи Жонатан Дэвидни ёзда жамоани тарк этишига рухсат берди. Аввалроқ ОАВда ушбу футболчиларга "Реал" ва "Манчестер Юнайтед"дан қизиқиш борлиги ҳақида маълумотлар пайдо бўлганди.
“Лени Йоро ва Жонатан Дэвид шу ёзда клубни тарк этишлари мумкин. Иккала футболчининг ҳам шартномаларида товон пули банди бор", - дея Летангнинг сўзларидан иқтибос келтирди журналист Фабрицио Романо.
Йоро ўтган мавсумда барча турнирларда 44 та ўйин ўтказиб, 3 та гол урган. Transfermarkt интернет портали футболчини 50 миллион еврога баҳоламоқда.
