Франциялик ярим ҳимоячи Адриен Рабьо ёзги трансфер ойнасида “Ювентус”ни тарк этиши мумкин. Футболчи Италиянинг бошқа топ-клубида ўйнаш имкониятига эга, дея хабар беради Corriere dello sport нашри.
"Милан" раҳбарияти 29 ёшли футболчини сотиб олишга қизиқиш билдирмоқда. "Россонерилар" Адриеннинг номзодини жамоа ярим ҳимоясини кучайтириш сифатида кўриб чиқмоқда. Рабьонинг юқори маош талаби ўтишга тўсқинлик қилиши мумкин.
Ярим ҳимоячи йиллик 7,5-8 миллион евро маош ишлаб олмоқчи. Ўтган мавсумда Рабьо А Серияда 31 та ўйин ўтказиб, 5 та гол урди ва 3 та голли узатмани амалга оширди.
