"Кристал Пэлас" вингери Майкл Олисе ёзда клубини ўзгартириши мумкин.
The Athletic нашри хабарига кўра, "Ньюкасл", "Бавария" ва "Челси" Лондон клуби билан боғланишган. Уларнинг барчаси 22 ёшли Олисега қизиқиш билдиришди ва футболчининг вакиллари билан музокара ўтказишга рухсат сўрашди.
2023/2024 йилги мавсумда Майкл Олисе 19 та ўйин ўтказиб, ўнта гол урди ва шерикларига олтита голли узатма берди.
Transfermarkt портали футболчини 55 миллион еврога баҳоламоқда. Аввалроқ, матбуотда "Челси" Олисени ёздаги асосий трансфер мақсади деб билиши ҳақида маълумот пайдо бўлган эди.
