«Манчестер Сити» ярим ҳимоячиси Яя Туре жамоа билан янги шартнома имзолади. Шартномага кўра футболчи 2017 йилга қадар «Сити»да қолади.
«Мен айнан шуни хоҳлаган эдим. «Манчестер Сити»га келганимдан кейин ҳар гал совринлар қўлга киритиш ҳақида ўйлайман. Бизнинг вазифамиз барча мусобақада тенгсиз эканимизни исботлашдир. Маҳаллий мухлисларнинг қўллаб-қувватлашларини ҳеч қачон унутмайман.
Мен учун бу ерда фаолиятимни якунлаш шараф. Бундан кейин ҳам совринлар қўлга киритишни хоҳлайман. Бу жуда ажойиб жамоа ва мусхлислари ҳам ажойиб. Улар жамоани ҳар қандай вазиятда қўллаб-қувватлашади»,- дейди Туре.