"Милан" ва Португалия терма жамоаси ҳужумчиси Рафаэль Леау "Ал-Ҳилол"га ўтиши мумкин, деб хабар бермоқда Football Italia интернет нашри.
Манбага кўра, италияликлар юлдуз футболчини сотишни истамаяпти, бироқ футболчининг 175 миллион евро миқдорида сотиб олиши маълум қилинган. Португалияликнинг ўзи ҳам ҳозир трансфер ҳақида ўйлашга тайёр эмас, чунки у бор эътиборини Европа чемпионатига қаратган ва турнир якунланганидан кейингина қарор қабул қилади.
Жорий мавсумда Леау барча мусобақаларда 46 та учрашувда иштирок этиб, 14 та гол ва 14 та голли узатмани амалга оширди.
Футболчининг клуб билан амалдаги меҳнат шартномаси 2028 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 90 миллион еврони ташкил қилади.
