"Milan" va Portugaliya terma jamoasi hujumchisi Rafael Leau "Al-Hilol"ga o‘tishi mumkin, deb xabar bermoqda Football Italia internet nashri.

Manbaga ko‘ra, italiyaliklar yulduz futbolchini sotishni istamayapti, biroq futbolchining 175 million yevro miqdorida sotib olishi ma’lum qilingan. Portugaliyalikning o‘zi ham hozir transfer haqida o‘ylashga tayyor emas, chunki u bor e’tiborini Yevropa chempionatiga qaratgan va turnir yakunlanganidan keyingina qaror qabul qiladi.

Joriy mavsumda Leau barcha musobaqalarda 46 ta uchrashuvda ishtirok etib, 14 ta gol va 14 ta golli uzatmani amalga oshirdi.

Futbolchining klub bilan amaldagi mehnat shartnomasi 2028 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 90 million yevroni tashkil qiladi.