Жорж Микаутадзе Грузия терма жамоасининг тарихидаги Европа чемпионатидаги илк голини киритди.
Туркия терма жамоаси Евро-2024 гуруҳ босқичи 1-турида Грузия терма жамоаси билан ўйнамоқда (1:1, танаффус).
Учрашувнинг 32-дақиқасида Грузия терма жамоаси ҳужумчиси Жорж Микаутадзе Гиоргий Кочорашвилининг узатмасидан сўнг ҳисобни тенглаштирди. Бу гол Грузия терма жамоаси тарихида Европа чемпионатидаги биринчи гол бўлди.
Шу тариқа, Микаутадзе Грузия терма жамоасида асосий таркибда ўтказган сўнгги олти ўйинда олтита гол урди.
Эслатиб ўтамиз, Грузия терма жамоаси ўз тарихида илк бор Европа чемпионатида иштирок этмоқда.
