«Манчестер Сити» ҳужумчиси Эдин Жеко «МЮ»га қарши кечадиган учрашувни йилнинг энг муҳим баҳси деб ҳисобламоқда.

«Бу биз учун жуда муҳим баҳс, орадаги фарқ 15 очкони ташкил қилса ҳам. Чунки дерби — бу дерби. Бу мавсумнинг энг зўр ўйини бўлади ва биз ғалаба учун боримизни берамиз.

Ўтган йилги натижани (6:1) такрорлай оламизми? Жуда яхши бўларди, лекин бундай ўйинлар бир марта бўлади. 1:0 ҳисобида ғалаба қозонсак, хурсанд бўлардим.

Жамоанинг тайёргарлиги яхши ва биз «МЮ»ни ўз майдонида қандай мағлуб этиш кераклигини биламиз. Биз учун ҳеч қандай янгилик йўқ»,- дейди Жеко.

Эслатиб ўтамиз, «МЮ» — «Манчестер Сити» учрашуви 8 апрел куни «Олд Траффорд» стадионида бўлиб ўтади.