"Манчестер Юнайтед" хўжайини Жим Рэтклифф ҳозирги таркиб юлдузли эмаслигини айтди.
"Натижаларимизни яхшилаш учун бизга икки ёки учта трансфер ойнаси керак бўлади. Ҳозирда "Манчестер Юнайтед"да 100 миллион евро ва ундан юқори баҳоланган футболчилар йўқ. Биринчи трансфер ойнасида барча муаммоларни ҳал қила олишимизга ишончим комил эмас", - деди Рэтклифф Goal билан суҳбатда.
Эслатиб ўтамиз, "Манчестер Юнайтед" сўнгги Англия чемпионатини турнир жадвалида саккизинчи поғонада якунлади. Шу билан бирга, Эрик тен Хаг жамоаси Англия кубогини қўлга киритишга муваффақ бўлди ва шу туфайли Европа мусобақасига киришди.
