Нидерландия терма жамоаси дарвозабони Барт Вербрюгген Евро-2024 доирасидаги Францияга қарши ўйинда (0:0) Европа чемпионати рекордини ўрнатди, деб хабар бермоқда УЕФА расмий сайти.
Футболчи Европа чемпионатлари тарихида турнирнинг финал босқичида ўз дарвозаси дахлсизлигини сақлаб қолган энг ёш дарвозабонга айланди. Вербрюгген Францияга қарши ўйинни 21 ёшу 308 кунлигида ўтказди.
Бунгача Вербрюгген сўнгги 60 йил ичида Европа чемпионатида ўйнаган энг ёш дарвозабонга айланганди. Бу борада рекорд испаниялик Ирибарга тегишли бўлиб, у Евро-1964 ўйинида 21 ёшу 108 кунлигида қатнашган.
