Франция терма жамоаси бош мураббийи Дидье Дешам ҳужумчи Антуан Гризманнинг Нидерландияга (0:0) қарши ўйиндаги ҳаракатлари ҳақида фикр билдирди.

33 ёшли футболчи "апельсинлар" дарвозасига беш марта зарба берди, бироқ жамоасининг ғалаба қозонишига ёрдам бера олмади.

"Ўйлашимча, бугун Гризманн Австрияга қарши биринчи ўйиндагига қараганда яхшироқ ўйнади, лекин у техник жиҳатдан бироз секинлашди, бу унинг ўйинида кўриш одатий ҳол эмас эди. Бугун у юқорироқ позицияда ҳаракат қилди, чунки ярим ҳимояда ўйинчиларнинг комбинацияси бошқача эди", деди Дешам ўйиндан кейин ОАВ билан суҳбатда.