Fransiya terma jamoasi bosh murabbiyi Didye Desham hujumchi Antuan Grizmanning Niderlandiyaga (0:0) qarshi o‘yindagi harakatlari haqida fikr bildirdi.
33 yoshli futbolchi "apelsinlar" darvozasiga besh marta zarba berdi, biroq jamoasining g‘alaba qozonishiga yordam bera olmadi.
"O‘ylashimcha, bugun Grizmann Avstriyaga qarshi birinchi o‘yindagiga qaraganda yaxshiroq o‘ynadi, lekin u texnik jihatdan biroz sekinlashdi, bu uning o‘yinida ko‘rish odatiy hol emas edi. Bugun u yuqoriroq pozisiyada harakat qildi, chunki yarim himoyada o‘yinchilarning kombinasiyasi boshqacha edi", dedi Desham o‘yindan keyin OAV bilan suhbatda.
