Франция терма жамоаси бош мураббийи Дидье Дешам Нидерландияга қарши Евро-2024 гуруҳ босқичи 2-тур учрашувида ҳужумчи Килиан Мбаппе йўқлиги ҳақида гапирди.
Форвард бурни синганлиги сабабли учрашувни ўтказиб юборди.
"Мбаппе - бу Мбаппе, уни бошқа футболчилар билан солиштириб бўлмайди. Бундай учрашувлар ҳеч қачон осон кечмайди. Мен Килианни ўйин охирида вазиятни ўзгартириш учун майдонга туширмадим. Шу билан бирга, биз ҳамон рақиб дарвозасига хавф туғдирдик", - деди Дешам Marca билан суҳбатда.
Эслатиб ўтамиз, Франция ва Нидерландия терма жамоалари ўртасидаги учрашув 0:0 ҳисобида дуранг билан якунланган эди. Гуруҳнинг сўнгги баҳсида "уч ранглилар" Польша билан тўқнаш келишади.
