"Ньюкасл" "Эвертон" ҳужумчиси Доминик Кальверт-Льюин трансферига қизиқмоқда, дея хабар беради The Guardian.
27 ёшли англиялик футболчининг «ирислар» билан амалдаги шартномаси 2025 йилнинг ёзига қадар тузилган. Эҳтимол, Доминик клуб билан янги шартнома имзолаши мумкин, аммо эҳтимолийроқ сценарий ҳужумчининг шу ёзда "Эвертон"ни тарк этиши.
"Ньюкасл" жамоанинг швециялик ҳужумчиси Александр Исак учун рақобат яратмоқчи, шунинг учун улар "Эвертон" билан Кальверт-Льюин трансфери бўйича музокараларда олдинга силжишни истамоқда.
Доминик Кальверт-Льюин "Эвертон"да 2016 йилнинг август ойидан бери ўйнаб келмоқда.
2023/24 йилги мавсумда англиялик футболчи “ирислар” сафида 38 та ўйин ўтказиб, 8 та гол урди ва 3 та голли узатмани амалга оширди.
