Италия терма жамоаси марказий ҳимоячиси Риккардо Калафьори Евро-2024 1/8 финал учрашувини ўтказиб юборишга мажбур бўлади.
"Болонья" шарафини ҳимоя қилган 22 ёшли футболчида сариқ карточкалар кўпайиб кетди. У гуруҳ босқичи 3-турида Хорватияга қарши ўйиннинг 93-дақиқасида сариқ карточка олди. Шу тариқа, 1/8 финалнинг Швейцарияга қарши ўйинида “Скуадра Адзурра” бош мураббийи Лучано Спалетти гуруҳдаги учта ўйинни ҳам тўлиқ ўтказган Калафьорисиз ҳаракат қилади.
Айнан Риккардо Калафьори хорватлар билан ўйинда қўшиб берилган вақтнинг саккизинчи дақиқасида Дзакканьига ассистентлик қилди.
Италия - Швейцария учрашуви 29 июнь куни бўлиб ўтади.