Лионель Месси туғилган кунини нишонлаётган меҳмонхонага 200 киши келди.
24 июнь куни "Интер Майами" ва Аргентина терма жамоаси ҳужумчиси 37 ёшга тўлди.
Футболчи ўзининг туғилган кунини терма жамоадошлари билан Short Hills меҳмонхонасида нишонлади ва уни табриклаш учун келган мухлисларга деразадан қўл силкитди. Автотураргоҳда уларнинг барчасига Аргентина терма жамоаси логотипи туширилган бир парча торт берилди.
"Барча табриклар учун катта раҳмат! Бу йил шундай бўлдики, мен туғилган кунимни терма жамоа жойлашган жойда ўтказяпман... Шундай экан, биз бироз байрам қиламиз ва кейинги ўйинимизга тайёргарликни давом эттирамиз!" – деб ёзди Месси ижтимоий тармоқларда.
