9 апрель, сешанба куни Осиё Чемпионлар лигаси гуруҳ босқичи доирасидаги “Бейцзин Гоан” – “Бунёдкор” учрашуви олдидан бир қатор тадбирлар бўлиб ўтади.
Соат 15:00да “Yu yang Hotel” меҳмонхонаси мажлислар залида учрашув комиссари бошчилигида менежерлар йиғилиши бўлиб ўтади. Маросимда жамоаларнинг қандай рангли либосларда ҳаракат қилишларига ойдинлик киритиб олинади.
Соат 16:10 ўйинолди матбуот анжуманининг биринчи қисми бошланади. Даставвал журналистлар саволларига “Бунёдкор” вакиллари жавоб қайтаришади. Иккинчи қисмда эса журналистлар билан мулоқотга мезбонлар киришади.
Тошкентликларнинг ўйинолди расмий машғулоти соат 18:30га мўлжалланган.
