Португалия терма жамоаси бош мураббийи Роберто Мартинес Евро-2024 1/8 финалида Словения билан бўлажак учрашувдан нимани кутаётгани ҳақида гапирди.
Португалияликлар гуруҳ босқичининг сўнгги турида Грузия жамоасига ютқазганига қарамай (0:2) "F" квартетида биринчи ўринни эгаллади. 1 июль куни Мартинес шогирдлари 1/8 финалда Словения рақибларига қарши баҳс олиб боради.
"Осон ўйинлар йўқ ва бугунги ўйин ажойиб тасдиғидир. Ҳатто ғалабалар ҳам биз учун осон бўлганини англатмайди. Биз Словения билан ўртоқлик ўйини ўтказдик, аммо якшанба куни ҳаммаси бошқача бўлади.
Бу клубдек ўйнайдиган жамоа: словенияликларда жуда кучли ҳимоя ва иккита ажойиб ҳужумчи бор. Биз тўғри тайёргарлик кўришимиз керак ва бугунги мағлубият бизга бу борада психологик нуқтаи назардан ёрдам беради", - дейди Мартинес.
