Portugaliya terma jamoasi bosh murabbiyi Roberto Martines Yevro-2024 1/8 finalida Sloveniya bilan bo‘lajak uchrashuvdan nimani kutayotgani haqida gapirdi.
Portugaliyaliklar guruh bosqichining so‘nggi turida Gruziya jamoasiga yutqazganiga qaramay (0:2) "F" kvartetida birinchi o‘rinni egalladi. 1 iyul kuni Martines shogirdlari 1/8 finalda Sloveniya raqiblariga qarshi bahs olib boradi.
"Oson o‘yinlar yo‘q va bugungi o‘yin ajoyib tasdig‘idir. Hatto g‘alabalar ham biz uchun oson bo‘lganini anglatmaydi. Biz Sloveniya bilan o‘rtoqlik o‘yini o‘tkazdik, ammo yakshanba kuni hammasi boshqacha bo‘ladi.
Bu klubdek o‘ynaydigan jamoa: sloveniyaliklarda juda kuchli himoya va ikkita ajoyib hujumchi bor. Biz to‘g‘ri tayyorgarlik ko‘rishimiz kerak va bugungi mag‘lubiyat bizga bu borada psixologik nuqtai nazardan yordam beradi", - deydi Martines.
