26 июнь куни Европа чемпионати "F" гуруҳи 3-тур учрашуви бўлиб ўтди ва унда Грузия ва Португалия терма жамоалари тўқнаш келишди. Учрашув 2:0 ҳисобида грузияликларнинг ғалабаси билан якунланди. Шу тариқа Грузия тарихида илк бор Евро плей-офф босқичига чиқди.

Opta Sports маълумотларига кўра, Грузия Исландия терма жамоасидан кейин ўзининг дебют йирик турнирида плей-оффга чиққан иккинчи дебютант жамоа бўлди. Ўшанда Исландия 1/4 финалга чиқишга муваффақ бўлди.

Грузия терма жамоаси Евро-2024 плей-офф босқичига учинчи ўрин билан чиқди ва у ерда Испания терма жамоасига қарши ўйнайди.