Англия терма жамоаси ярим ҳимоячиси Кобби Майну Коул Палмер билан ўйин ҳақидаги таассуротлари билан ўртоқлашди.
Эслатиб ўтамиз, Лондоннинг "Челси" клуби ярим ҳимоячиси Евро-2024да Словенияга қарши ўйинда дебют қилди ва иккинчи бўлимда захирадан майдонга тушди. Гуруҳ босқичининг олдинги икки турида Палмер фойдаланилмаган захира ўйинчиси бўлиб қолди.
"Менга Палмер билан бир жамоада ўйнаш жуда ёқди. Бу мен учун биринчи бўлди", - деди Майну United Stand билан суҳбатда.
Палмер Англия Премьер-лигасининг сўнгги мавсумида энг сермаҳсул футболчига айланди. "Челси"даги дебют мавсумида Коул чемпионатда 22 та гол урди ва 11 та голли узатмани амалга оширди.
