"Болонья" ва Италия терма жамоаси марказий ҳимоячиси Риккардо Калафьори яна бир топ-клуб қизиқиш доирасига тушиб қолди.
22 ёшли футболчи ўтган мавсумда ишончли ўйнади. У ҳозир давом этаётган Еврода ҳам "адзурра"нинг асосий ҳимоячисига айланди. La Gazette Dello Sport хабарига кўра, Калафьори учун даъвогарлар рўйхатига "Реал Мадрид" ҳам қўшилган. Олдинроқ италиялик футболчига "Ювентус" ва Лондоннинг "Арсенал" клублари қизиқиш билдираётгани ҳақида хабарлар тарқалган эди.
Миш-мишларга кўра, "Болонья" Рикардо Калафьорини сотишдан 50 миллион еврога яқин даромад олмоқчи. Transfermarkt экспертлари футболчининг нархини 30 миллион еврога баҳоламоқда.
