Панамадан учралган мағлубиятдан сўнг бир қанча америкалик футболчилар ирқчиликка дучор бўлишди.

АҚШ терма жамоаси Америка кубоги гуруҳ босқичи 2-тур учрашувида Панамага имкониятни бой берди (1:2). АҚШ ва "Ювентус" ярим ҳимоячиси Тимоти Веа ушбу ўйиннинг 18-дақиқасида қўли билан рақибининг бошини туртиб юборгани учун тўғридан-тўғри қизил карточка олди.

Ўйиндан сўнг Веа ва унинг АҚШ жамоасидаги бир нечта жамоадошлари ижтимоий тармоқларда ирқчиликка оид ҳақоратларга дучор бўлишди.

"Ўйинда камситувчи хатти-ҳаракатларга ўрин йўқ. Бу хатти-ҳаракатлар нафақат қабул қилиниши мумкин эмас, балки улар биз ташкилот сифатида ҳимоя қиладиган ҳурмат ва инклюзивлик қадриятларига зиддир", — дейилади АҚШ футбол федерацияси баёнотида.

Ташкилот, шунингдек, бундай сўров билан чиққан ҳар қандай футболчи ёки ходимга психологик ёрдам хизмати кўрсатишга тайёрлигини маълум қилди.

Веа ижтимоий тармоқларда ўз жамоасининг мағлубиятига олиб келган хотиржамликни йўқотгани учун омма олдида узр сўради.

"Нима бўлишидан қатъий назар, мен ўзимга керак бўлмаган ва бунга қодир бўлмаган кунгача жамоам ва ватаним учун курашаман! Ҳаммадан чин дилдан узр сўрайман.

Менинг бу жамоага бўлган муҳаббатим футболдан ҳам ошиб кетади ва мен акаларимни бугун бошидан кечирганларини бошдан кечирганимдан жуда хафаман ва ўзимдан ғазабдаман", - деди ёзди Тимоти Веа.