"Бавария" ва "Манчестер Юнайтед" Маттейс де Лигтнинг баҳосига келиша олмаяпти.
"Манкунианликлар" бош мураббийи Эрик тен Хаг 24 ёшли ҳимоячини сотиб олишга қизиқмоқда, у ҳозирда клуб билан шартномани узайтириш бўйича музокара олиб бормоқда.
Журналист Кристиан Фалкнинг хабарига кўра, "Бавария" 70 миллион еврогача олишни хоҳлайди, аммо "Манчестер Юнайтед" атиги 35 миллион евро тўлашга тайёр.
Қайд этилишича, мюнхенликларнинг янги бош мураббийи Венсан Компани де Лигтни ўз режаларига киритмаяпти ва келаси мавсумни бошқа ҳимоявий футболчиларни ҳисобга олган ҳолда режалаштирмоқда.
Ўтган мавсумда нидерландиялик футболчи Бундеслигада 22 та ўйин ўтказиб, 2 та гол урган.
