Европа чемпионатидаги учинчи тур якунларига кўра, ярим ҳимоячи Кристиан Эриксен Дания терма жамоасининг ўйинлар сони бўйича (133та) рекордчисига айланди.
Футболчи ўз ютуғини изоҳлади. “Биринчидан, терма жамоа сафида кўп ўйин ўтказганимдан жуда фахрланаман.
Бу бироз ғалати туйғу, чунки мен ортда қолдирган ўйинчиларнинг кўпчилиги барча даврларнинг энг буюк даниялик футболчиларидир.
Улардан олдинда бўлиш ақл бовар қилмайдиган нарсадир. Фаолиятимни тугатгандан сўнг, мен буни мулойимлик ва юзимда кенг табассум билан эслайман", - дея Эриксеннинг сўзларини келтиради УEФА сайти.
