Нидерландия терма жамоаси ҳужумчиси Коди Гакпо Руминия терма жамоаси билан 2024 йилги Европа чемпионати 1/8 финал учрашуви олдидан ўз фикрларини билдириб ўтди.
"Охирги ўйиндан сўнг барча нидерландияликларнинг ҳафсаласи пир бўлди, биз буни биламиз. Лекин биз ҳар бир ўйинда, шу жумладан, бу ўйинда ҳам ғалаба қозонишни истаймиз. Стадионда бизни қўллаб-қувватлайдиган барча мухлислар каби бутун мамлакат орқамизда тургани жуда ёқимли", - дея Гакпонинг сўзларини келтиради УEФА расмий сайти.
Нидерландия - Руминия учрашуви бугун, 2 июль куни бўлиб ўтади.
