Европа чемпионати 1/8 финалидан ўрин олган Руминия ва Нидерландия терма жамоалари ўртасидаги ўйинда – мажбурий алмаштириш рўй берди.
Чап қанот ҳимоячиси Василе Могос қанотда Нидерландия ҳимоячиси Дензел Дюмфрис билан аламли тўқнашувдан кейин ўйинни давом эттира олмади. Натижада биринчи бўлим тугаши арафасида унинг ўрнига марказий ҳимоячи Богдан Раковитан майдонга тушди.
Эслатиб ўтамиз, ўйиннинг биринчи бўлими якунига кўра Нидерландия терма жамоаси олдинда – 1:0. Гол муаллифи Коди Гакпо биринчи бўлимнинг 20-дақиқасида Нидерландияни ҳисобда олдинга олиб чиқди.
