"Манчестер Сити" ярим ҳимоячиси Фил Фоден Англия терма жамоаси бош мураббийи Гарет Саутгейтга ачинишини тан олди.
Айни дамда инглизлар Евро-2024 чорак финалида Швейцарияга қарши ўйинга тайёргарлик кўрмоқда, бироқ уларнинг турнирдаги ўйини ҳамон катта танқидларга сабаб бўлмоқда.
ОАВ Саутгейтни Англия футболи сустлигининг асосий айбдорига айлантирмоқда ва Фоден буни адолатсизлик деб ҳисоблайди.
"Ўйинчилар маълум бир масъулиятни ўз зиммаларига олишлари керак. Нега биз яхши ўйнамаётганимизни биргаликда аниқлаш учун бу ерда баъзи етакчилар бўлиши керак.
Бош мураббий жуда чекланган. У тизимни ўрнатади ва унга қандай прессинг қилиш кераклигини айтади. Агар у ишламаса, унда нима бўлганини аниқлаш керак.
Гаретга ачинаман. Машғулотларда у бизга прессингни ва майдонда юқори туришимизни айтади, лекин менимча, баъзида бу футболчиларнинг ўзидан бўлиши керак. Биз етакчи бўлишимиз керак. Учрашувларда биз бироз кўпроқ ҳаракат қилишимиз ва ечим топинг мумкин эди" - деди Фоден BBC билан суҳбатда.