Аргентина терма жамоаси ҳужумчиси Лионель Месси 2024 йилги Америка кубоги чорак финалида Эквадор билан ўйиндан сўнг ўз фикрларини билдирди. “Альбиселесте” пенальтилар сериясида ғалаба қозонди, 37 ёшли ҳужумчи нуқтадан аниқ зарба бера олмади.
“Бизни қийин учрашув кутиб турганини тушундик. Ҳаммаси кутилганидек кетди. Рақиб жуда яхши жамоага эга. Бу ердаги майдонлар сиз хоҳлаганча тез ўйнашингизга имкон бермайди. Бу ҳар доим ҳимояга эътибор бераётган жамоага фойда келтиради", - деди Месси.