Туриннинг “Ювентус” клуби ҳужумчиси Матиас Суле кейинги мавсумда жамоада қолишни истамоқда. Tuttosport хабарига кўра, аргентиналик футболчи мавсумолди машғулотларида ўзини кўрсатиш ва янги бош мураббий Тьяго Моттани ҳайратда қолдириш ниятида.
“Ювентус” Европанинг кўплаб клубларини қизиқтираётган Суле билан хайрлашишга қарши эмаслиги аввалроқ маълум қилинганди. Transfermarkt 21 ёшли ҳужумчини 25 миллион еврога баҳоламоқда.
Аргентиналик футболчи ўтган мавсумни "Фрозиноне"да ижарада ўтказди ва у ерда яхши статистика кўрсатди. Суле Италия А сериясида 36 учрашувда 11 та гол урди ва 3 та голли узатмани амалга оширди.
